凍

天氣凍了!
唔想出街....
唔想郁...
今日本身要出大會堂買飛,同埋帶小羊睇醫生,換計油...
仲有打羽毛球...
全部都冇做到....
陣係留左晌屋企執相.....睇報紙....訓覺.....dl mp3....
個人訓到好支力了......

ps...有相upload左去相簿到喇!!!!hhaa隔左成兩個月先有新相...久等了....

聖誕快樂!!

飲勝!!!!

今個聖誕你玩左d咩呀???去左邊樹???

我就去左食聖誕大餐同埋去城門河飲野!!!!

你好嗎?

唔知點解....
e排我都冇乜點上黎寫野....
因為真係冇咩特別既事發生....
個人成日都好似冇咩感覺...
好似石頭咁...
日日都係番工放工....
一係就出去食飯....
唔覺得開心...又唔覺得唔開心...
係咪我真係老左喇....?
出到黎都唔覺得好玩...
定係個人太支力?!!
d人同我講野...我又好似冇咩反應咁...
係唔識俾d咩反應人....
阿cat就係咁悶了

忙...懶....爛玩...

e兩個星期..就係咁.....
完~~

歲晚清瘡大行動!!

情況太危急喇!!!!!!!
到左有史以來最多暗瘡既時候!!!!
我唔可以再唔理喇!!!!!!!
一定要早訓早訓早訓!!!
飲多d水水水水水!!!!!
勤做深層清潔mask!!(一星期兩次!)
re~lax!!!!唔好太緊張!!!!!!!!!!!
食少d熱氣野!!甚至乎係唔食熱氣野!!!
加油呀!!!us!!!!!!!!

大閘蟹!!!!!!!!!!!!!!!!!!!!!!!!!!

昨天晚上去左嚼江南食大閘蟹呀!好正!因為我地訂左成圍,佢俾左間房我地,仲有得打牌tim呀!!!每人兩隻蟹,仲有小菜果d,不過就唔太夠飽,0岩0岩好囉,飲左支紅酒,每人就三百一蚊,好貴呀!不過好彩打牌win左錢!其實本身冇贏架,咁0岩打打下我想去toliet,anthony幫我打左一鋪,佢竟然幫我食左鋪海底撈月!勁呀!!!win左九十幾蚊!!!幫補左e餐飯!哈哈哈哈哈

好得意呀!隻碟都有隻蟹晌上面架!間鋪門口仲放左隻公仔,好cute!!

林小熊終於都沖涼喇!!!

由中四陪到我而家既林小熊....

其實沖涼既次數..我諗十隻手指都數得晒呀!!哈哈哈哈哈

今日媽咪終於幫佢沖左涼喇!!!!

唔知今晚攬住訓會唔會唔慣呢!!!

至愛之一

哈!同親同事去街口間茶餐廳,我次次都會叫雞!

矛錯!就係沙薑雞飯喇!!

29蚊有湯,有野飲,有飯,有雞雞,仲有菜tim呀!!!!!!

好多野食!我次次都食晒碗飯...哈哈哈哈哈

Nike 10km挑戰賽

話說有一朝王小豬打黎..."喂!我報左nike 10km喇!你快d去個網頁到報名啦!我怕full晒呀!你而家好去報喇!"
唔知點解,經過上次可口可樂既教訓..我今次都係唔識死!
見佢講到咁吸引,我又唔執輸,即刻上網報左名!
點不知呢排超忙!
公司d野又忙!放假又唔知點解冇啦啦多左好多街去!!
一次跑都未練過!!本身怕死既我又諗住縮沙唔去架啦!!
但係俾左錢又冇理由咁洩底架ma!好!去湊下熱鬧啦!!
一朝早就約左王小豬6點晌上水火車站等,哈!做野,執野,整野都慢吞吞既我再一次遲到,
好彩都準時去報到!
仲撞到馬暉先生tim!
我朝好緊張呀!心情仲好炆tim!
我真係好怕自己應付唔到呢十公里呀!
對於好耐冇做運動既我真係一個好大既挑戰!
時間一路咁過,距離起跑時間仲有15分鐘,我地都算佔到一個有利位置!
起跑時又冇上次可口可樂咁緊張wo!因為上次d人真係好似好怕包尾咁,博晒老命咁跑!!
今次輕鬆d!我今次冇刻意去跟人地既步伐!跑得舒服d!
不過跑左一陣...其實2km都冇就想行喇!哈哈!!不過都要死頂!!!
跑跑跑跑跑!!真係好辛苦!好多斜路呀!!!痴線架!!
行下又跑下,終於都見到終點喇!可惜終點係一條斜路!
好似跑極都仲係好遠,我見到個鐘已經1小時30分喇!!
下?!咩話!!!冇理由用咁耐架!!因為我又冇帶錶,所以唔知時間!
不過望到個鐘果一刻,真係好失望!!!
好後悔自己點解唔練跑!連大會指定完成時間都過晒!!!!
跑到終點已經1小時31分了!我好想喊....一來係覺得好開心...可以跑得晒全程...好感動...都算人生大事之一!哈哈!但係另一方面...又覺得自己好屎...用咁耐先跑完...仲好dup心,因為要晌指定時間完成先有cert!!真係好矛盾!最後都忍唔住喊左出黎...
好彩王小豬晌我身邊!哈哈!!佢突然講,其實要扣番精英組起跑先果15分鐘!!原來自己用左1小時15分到!!哈哈!好傻呀!!我之前以為自己會冇cert喇!!好彩佢提一提咋!!!!!!我先笑番!!冇再喊!

之前發過誓,唔會再參加ed跑步比賽既我,究竟係咪發誓當食生菜呢?
唔知點解,我覺得自己下次又會再參加...哈哈!
到時又忘記左跑步時既辛苦!!

吉野豬兵團

我地吉野豬兵團係保持地球和平!見鴨食鴨既兵團!!!!!

開工喇

買左冷喇!!

織頸巾喇!!

我想織一條好長好長既頸巾呀!!!

琴日終於都的起心肝去左買冷喇!

晌間鋪到其實都冇諗織咩色好....

左揀右揀,終於都揀左灰色加紅色了!!唔知織出黎點呢........

家務.....

真係好耐冇做過家務喇!

我今日執左好多野呀!!!

梳化啦,飯台啦,電腦台啦,家姐張吉床上面既雜物啦,

掃埋地,拖埋地,收衫,摺衫,放埋入櫃桶!

真係支力到死呀!

個地拖又短wo!拖到條腰好酸痛呀!

不過執完真係整齊左好多!!!

乾淨晒!!!超多塵呀d野...執到個鼻勁痕!!

希望媽同爸番黎會有驚喜.......

不過我怕佢地未番黎...又俾家姐整亂晒d野!!!!!

夜鬼

e排晚晚都好夜訓.....
唔知點解唔想訓...
但係個人好支力....
救命~
媽咪爸爸去左旅行...星期一番....
聽日要執屋喇~好亂呀!!!!

忙到嘔

今個星期只係過左三日咋....
點解d時間好似過得好慢咁架?!!?!
唉!我地組個同事佢今個星期請左假...
超多野做呀!
日日都有新既collection要做咁滯!!!
幾時先可以抖一抖呀?.....雖然..上星期五係假期...
不過完全冇抖過..-__-仲好唔夠訓tim呀!!
今日番工....對眼好辛苦...眼皮好重.....
個頭又痛...唉!
仲有成身肌肉都有d痛...又成日都覺得好鬼寒...好似想病咁呀!
千祈唔好呀!!!!嗚嗚!
難得今晚早d放工...都係早d訓下覺覺先!!
早抖喇!

p.s.今日係林生林太既生日,祝你地生日快樂!!


花灑好好聽呀!
為了要博世界讚美　便苦惱害怕永遠也做不到
忘掉了偶爾懶理世界　或會更好
期望了有這個與那個　像匹布被剪碎飛舞　
盲目了兩眼也但求　要拾到
何必要做奴隸　無須要為失去了的執迷
輪流涼或暖像四季　做人做過世
漫長年月有路軌
人總想擁有東西　要是代價高愈令心中牽繫
擔憂要是無謂　拿花灑洗禮
為了要與某某愛上　便希冀　
為了挫折過　便緊記
全為貢獻過　要有報答　便有對比
全為看中過　發覺看錯　便生氣　
甚麼叫天理
忘掉奮鬥過要隨緣　信命理

沙發自在自在齊齊坐　拿去它都總可去站去跑　
無謂靠甚麼
何不將一切拋低　志願大過天　亦像世上螻蟻
星星永未流逝　如只可感歎它美麗
得到也是無謂負擔高過天際

放假假

今日係假期既第二日
好似已經放左好耐咁...
日頭成日都冇所事事...
因為前晚放工都已經十一點幾....之後再同埋之前遊船河識既henry去左飲野
一向好少落吧既我..以為會好悶tim!因唔太like玩猜枚,"色"仔果d....
但係落到去都ok wo!玩執"色"我仲win左好多鋪tim!因為唔使用腦ma~哈哈
今次竟然玩到天光,我仲諗住去到悶,會2點幾3點走人!
點知又幾好玩wo~~
因為成晚冇訓...所以琴日都晌屋企訓足全日!!野都冇食過,起身都5點幾了~
飲左碗湯就出去同基,小芬,銘仔佢地去朗豪坊食飯+睇戲喇~
我地去左suzuki cafe到食,我叫左個溫泉蛋煙肉忌廉意粉,好好味呀!
真係唔錯!我都晌屋企試下整先!!!
之後就入去睇'兄弟'喇~三哥係主角!!佢真係好正
以前我like黃日華多d架...但係而家like三哥多d呀!!哈哈~
e套戲,黃日華全程扮型....笑到人!全程只得一,兩秒除過副超咋!
最攪笑係道地賣廣告個位...低b架...三哥同eason去左生果檔,冇啦啦影左生果檔入面d蘋果..隔離放左支道地煎茶....好夾硬黎囉!!全場都笑呀!
講番e套戲...mnn...真係唔係我杯茶囉....劇情...完全唔豐富....緊張位係有d既...不過全套戲d人都懶型....唔得呀...唔掂呀!!!!!真係幾悶下!!
仲有一日半既假期就完喇~~
今晚去影星呀!!!希望有收獲啦!!!!

最近好唔開心

又話三文魚含omiga 3,食左可以令人開心d既?!?!
我今個星期食左幾次壽司,好多三文魚喇!!
點解仲係咁唔開心?!?!??

公司裝修...

天拿水既味已經纏繞左成日喇!!!

仲有d灰塵!!好難頂呀!!!

我塊面又生晒暗瘡了!!

我覺得都係拜裝修所"刺"(唔記得點寫呀!)

我個位又勁亂喇!!見到都唔想做!!!

裝修好之後,個新位台底唔俾放野!!!

死喇...我d鈕版放晌邊呀咁多?!?!

掉左到時又要搵..唔掉又冇位放...

唉!好擔心呀!!

某日午餐

有日冇帶飯,同同事落左街食,去左果個香車街街市上面d熟食中心...亦即係大排檔到食野!

好攪笑,d人用碟黎食麵wo!!一問之下原來果d係撈麵黎!

我就叫左個撈丁試試!

原來都幾好味wo!!!

不過就咸左d!d牛腩好淋呀!!!好味道!!

可惜天氣太熱喇!如果冬天去既話都幾好!!!

平時飲大可樂飲唔晒!今次叫左大忌廉就0岩0岩好!!大可樂成399ml架!而大廉就300ml!0岩0岩好夠我飲!

好想去旅行呀!!

去完布吉一個月都冇...

就好想再去第二到喇!!!

唉!好想放假,唔想番工呀!!!

唔知幾時係下次旅行既開始呢....

是非火鍋團

有一晚同同事興起,攪左個是非火鍋團

晌琴晚既8點半麗城花園入面既新星火鍋店舉行!

是次活動反應熱烈!

本身張台坐11,12個人,我地坐左成14個人!迫到屎呀!

好彩有d係之後慢慢黎!哈哈哈!

我公司d同事真係好飲得!

佢地一支接一支!

亦都好食得!!d送點左幾轉呀!

當然我都有食我至愛,出前一丁啦!!!

好味呀!!!

不過冇食到流沙包!!!

今次既主題係是非!哈~~真係好好笑!!笑足全晚呀!

之後仲去左海塝到飲野,又傾下,講下笑!我地好似d中學生唔番屋企咁!流連街頭咁!

好耐冇試過玩到咁夜喇!!哈哈!真係開心!

完成左喇!!!

琴日一朝早就出發去比賽地點!

城門河划艇中心果到喇!

真係好緊張!

我同sharon食左隻蕉做早餐,攪好d號碼布,晶片之後,hea左好耐先到比賽時間

就去起點等比賽開始!

一開始d人真係跑得好快!!

我都忍唔住跟左佢地既步伐!

所以一開始條氣已經好喘喇!

跑到一公里都冇就想放棄!真係好辛苦!

天氣又焗,空氣又差,真係攞我命!

後尾過左橋,跑到去沙田醫院時就開始行喇!太辛苦了

行下又跑下,跑下又行下!去到水站喇!一路行一路飲水好辛苦!攪到倒瀉晒!

去到u turn位,番轉頭,好彩,原來好多人仲晌後面!個心都定d!

到到最後二百米,我都仲係冇氣力跑...都係跑得好慢...

係到最尾果幾步先係咁易跑快d!

真係未試過跑到咁熱,出咁多汗呀!我一路跑既時候,都幻想自己會唔會突然訓低!
之後就死左...ahhaa我諗得太多喇....

我自己計時,就計到53分20秒,仲未有大會時間!

今次都算成功啦!!7公里,已經係我手下敗仗喇!!ahahhahaahah

準備緊了

好緊張..

希望聽日唔會包尾啦!!

yeah!!新記錄!!

今晚如常地去跑步練習!!

今次我慢跑諗住練氣,但係開頭都覺得自己又係跑到富豪會停架喇!

點知唔係wo!!意志力不停咁叫自己跑完d先準停!

試下去遠d!跑遠d!跑跑下竟然意外地跑到碧濤花園先停!!!!

我覺得好勁呀自己!!ahhaa

成程真係不停咁跑!

雖然係好慢!但係都算控制到呼吸丫!又唔太辛苦!

其實仲可以keep住跑架!

不過心入面既目的地就係碧濤!

同埋怕太夜,因為果時已經係十點8喇!!

抖到順晒條氣又折返番去乙明!

不過回程就抖左2,3次!真係進步左好多呀!!!!!

番到屋企都成十一點幾喇!好夜!!

加油呀小貓子!!希望今次可以完成到e個賽事啦!

唔知日頭跑會唔會好辛苦呢!!!

ps..呢張相就係我既林小鞋喇!!

好型呀!!!!!hahahaha跑落去好舒服!

不過有少少焗!因為係"驚"皮架!!

跑呀跑.....喘呀喘....

由於參加左可口可樂個健跑比賽,所以要開始練跑喇...
其實都開始得遲...
因為9月15號已經係比賽日喇....
而家已經係....9月....2號...
晌上星期四第一次練跑...
真係超辛苦呀!!!!
一向都冇跑開步既我....好痛苦呀!!
以前晌physical到跑跑步機,跑左一陣都覺得好支力....
而家跑城門河....仲辛苦!!
開始跑左一百米已經想停喇...喘晒氣...
真係有d後悔報左e個比賽..-___-好灰....
因為對鞋跑得唔舒服...所以今日買左對跑鞋
揀左好耐..都唔知邊對好..因為我覺得d跑鞋好核突
對對都好多網...又有d灰色邊,真係好核突,
後尾問左個sales介紹左3對俾我,著落去有兩對都ok wo!
都幾舒服,又幾型架!ahhaha,不過好貴...買左成7百蚊$__$
希望就算比賽完,都會keep住跑步啦!
唔好浪費左對鞋!!

阿婆,生日快樂呀!

上星期六朝早去左濕滯公園,下晝打羽毛球,夜晚就去左飲阿婆既生日酒

skip左一年冇擺生日酒

e幾年阿婆老左好多,

希望佢身體永遠健健康康!

好耐冇試過影e d大合照喇!!

年年生日酒都會影咁滯!!

其實仲未齊人!有d仲坐住晌到唔過黎影!

好多人,真係大家庭!!

臨走時我同家姐,表弟們影左d低能相~ahaha

fing錢的一個月

嘩~今個月嚴重超出預算呀!!!!!

差唔多晚晚都出街食飯!

個個星期都洗好多錢呀!!!!

死喇.......買野好似冇乜點買過...

成日都係食同玩....>____<

我今個月真係已經洗凸左.....

點解會咁架.......

唔好引誘我出街食飯去玩喇唔該!!!

星期六同同事同埋佢d fd去左玩wakeboard,佢個fd好勁呀!!!

一落水成個人好似生猛晒咁!!!又跳啦,又轉板啦,連出wake同入wake都轉板!

好順,好流暢呀!!!!好羨慕!!唔知我幾時可以咁呢...

果日個教練好型仔!原來佢得17歲咋....應該未有教練牌...

不過有佢阿叔晌到一齊教,同埋渣船~

之後星期日又去左扒獨木舟,

一朝早就約左晌吉野家到食早餐,可惡,佢地一個二個都遲到!

咁我就去馬會對番張六合彩...點知又唔中!

可惡!!

吉野家勁少人!!!包場咁滯!哈哈!

果日扒到好辛苦!因為前一日玩完wakeboard,個背脊d肌肉已經好痛

支力到我死咁滯,不過今次用纖維艇,比起上次用既膠艇輕好多!

去水去得快好多,不過好難平衡!由其係上艇同落艇,好易反!

三星好難呀!學左x型救人法,即係一個人反左艇跌落海,另一個要救佢

係一救一....仲有倒番反艇果隻d水出黎...重到死!!!晌海中心做wo!!

幾鬼用力呀!!!

仲攪到成身傷痕,瘀晒!!好痛呀!!!>___<

幾時先好天架?!?!??!

日落夜落....

昨晚又因天雨關係冇帶林小羊番屋企喇....

好慘呀佢....俾雨淋左成日...個車com滲晒水入去..

唉!冇辦法啦~公司附近泊車既地方都係冇瓦遮頭!

忍下啦林小羊!媽咪好快接你番屋企!!!

0岩0岩放工出黎又落雨....個感覺好灰呀!!

幾時先好天呀??

我想去遊車河+影相相呀!!!

日日咁落,部機都冇乜點掂過呀!!!

太陽伯伯,你幾時先番黎呀??唔好放咁多日假好wo!!

不能說的秘密..

之前真係冇諗住去睇架~聽個戲名覺得好老土....

有一日同kimmy傾開,出黎食飯兼睇戲,

佢就提意睇呢套,咁我就話好呀~是但啦,反正我好耐冇睇過戲~

真係比預期中好睇wo!!

我本身之前都冇留意過e套戲...

個故事好好呀!好感動,好浪漫!!

hhaha不嬲都易喊既我,一路睇一路喊

之前問過人e套係咪喊戲,佢地話唔係架wo!!

咁我仲化晒妝去睇...好彩冇喊到d睫毛液溶晒咋!!

真係好感動!我想睇多次呀!!

周杰倫真係好有才華!!佢做e套戲既導演,好勁!

真係拍得好好呀!

拍出咁感動既電影.......

我搭巴士時晌到諗.....電影,音樂都可以令人好感動,

唔知平時影既相..又可唔可以感動到人呢?!?!?

《不能說的秘密》

作詞：方文山 作曲：周杰倫

冷咖啡離開了杯墊

我忍住的情緒在很後面

拼命想挽回的從前

在我臉上依舊清晰可見

最美的不是下雨天

是曾與你躲過雨的屋檐(oh~~)

回憶的畫面 在蕩著秋千

夢開始不甜

你說把愛漸漸放下會走更遠

又何必去改變 你說過的誓言

你用你的指尖 指示我說再見

想象你在身邊 在完全失去之前

你說把愛漸漸 放下會走更遠

或許命運的簽 只讓我們遇見

只讓我們相戀 這一季的秋天

飄落後才發現 這幸福的碎片

要我怎麼撿

豐富海鮮餐

為左慶祝yuko同kristy走,我地請左佢地去三聖村到食海鮮呀!!!

又唔係太貴咋wo!!!anthony仲渣左架benz黎接我地!!hahaha今次係第二次坐benz!!!!

我地買左蜆,蝦,瀨尿蝦,蟹,帶子,拎去大排檔到加工喇,
仲叫左魚香茄子煲,乳鴨,蒜容炒白菜仔tim呀!!!

平均每人都係百六蚊咋!!!

之後又去左發記食糖水!!!

唔知攪乜..平時都唔太食榴槤既我....果晚屎忽痕叫左榴槤飄香...

臭到佢地死~hahahahaa笑死我喇!!!

我與我的同事....

ahahahahhah
今日同左麻風病患者合照...

影左d無聊相!!!我覺得我好似condom.....

影相相....

星期六去左牛頭角下村同鯉魚門影相....

唔得呀...

都係要自己一個人出去影先影到....

幾個一齊影...硬係冇乜心機影....