影相相....

星期六去左牛頭角下村同鯉魚門影相....

唔得呀...

都係要自己一個人出去影先影到....

幾個一齊影...硬係冇乜心機影....

從新開始喇!

冇心機做野已經維持左一後時間喇....
再係咁落去會死緊!!
真係要開始執番整齊d野,跟番足d喇!!
由其係張台...唔知點解/...
次次都係整齊一排....
之後又亂番.....
唉!!我幾時先可以養成整齊既習慣???
做野都做左4年幾喇,仲係咁樣....
由呢個星期開始,我要準時番工!!唔要遲到!!
早睡早起!!(除左有街去既日子...ahaha)
我既計畫係每晚11點半前訓,每朝八點起身!!(今日已經做到喇!yeah!!)
番工d野唔好再成日慢慢嘆...哈哈~我唔想再俾同事叫我做慢女郎!!
不過唔知點解...真係做野做得好慢...貼張咭都貼好耐.....
可能個心成日都諗住唔想做野....
另外每個月都儲下錢,唔好再係冇計劃咁儲!!
一直都係用幾多就噤幾多....都唔知自己一個月會洗幾多錢....
好彩我唔係大洗既人!

不過唔知呢d野...又可以維持幾耐呢.....
又會幾時打回原形呢?????
唉!冇恆心既林貓....

大出血呀!!但係好好玩!!

嘩~e幾日狂洗錢呀!!!

星期五晚去左同同事唱k!狂隊啤!!!!之前唔諗住飲咁多架!!

不過玩色盎果d人又狂叫酒wo!後尾原來仲有成7支!!!

費事0徒錢,所以大家都狂隊!!醉到唔知自己做乜...癲左!!ahaha

星期六請屋企人去左鯉魚門食海鮮,有蝦啦,龍蝦啦,唔知咩斑啦,聖子啦,好好味呀!
不過好貴!!!!4個人食左千三蚊呀!!!不過算啦!!!難得我闊佬一次!!hahaha

加人工,豪一豪佢啦!!
跟住果晚同豬皇上左大陸dup骨加碌拎,dup骨果到好舒服呀!!

我dup到訓左...第一次dup骨訓著咋..(雖然唔係dup過好多次~ahah)

晌骨場果到過夜,之後第二日食完野,就去拎場玩喇!不過等左好耐呀!!!

打左四局,第一次打到過一百蚊咋!!!yeah!!

星期一就辛苦喇..ot o到成零晨1點!!!

不過之後放兩日假!去長隆玩!!!好好玩呀!!!水上樂園同埋遊樂場都好好玩!!!!

好支力呀玩到!!原來撞到d手手腳腳瘀晒!!番到黎先知!!
我地差唔多全部野都玩晒!!不過水上樂園爭一個好似滑板咁既野太遠,又冇時間,冇玩到!!

好貴既lunch!

今日lunch同左阿k去domon食拉麵...
好貴呀!!68蚊再加一!!
但係個咖哩飯好好味!!個拉麵就普通..不過個湯好濃呀!!!
放工去左西鐵站影相....
不過麻麻地...冇乜mood影...以為好好天...點知好多雲...
好失望!!

好開心呀!!!!!yeah!!!

ahahahahha真係好開心呀!!!!
今日加左人工呀!!!!!!
加左10%呀!!!!!!!!!!好多!!!heheehe
0岩0岩打晒電話俾屋企人,
星期六去鯉魚門食海鮮,我既!!!!!!!!!!
做得咁辛苦!!緊係要食番餐好啦!!!
豪一豪佢!!!!!!!!

今日去左船p

運動量一d都唔多呀!!
游左幾游水,玩左3轉wakeboard,兩轉香蕉船
估唔到今日都咁好太陽呀!!
仲擔心會唔會落雨,好凍!!
好彩走果時先落雨咋!!!
我地回程既時候玩"日落西山下"...
我拍到個大脾瘀左~ahahha
好誇張!!!
今日咁玩.....個喉嚨又痛番喇..
希望唔好又病啦!!!