hello!

已不經不覺有5個月沒有來這裡了!

你們好嗎?

也許大家都忘了這裡......

甜品

他送了我三枚的朱古力......

這些甜品味道都很好!

但價錢都太貴了,可吃一個晚飯了!

不過偶爾吃一次也無妨!

這個new york cheese cake真的令人回味!

如果能成為雜誌的攝影師也不錯....

拍完了照片後...又可以把美食放進肚裡....

哈哈!真的不錯!

今日

看醫生後到了城門河

之前經過曾大屋對面那個近城門河的停車場前有些秋菊,

本想於今天拍幾幀照片

可惜到達時不見秋菊,只見一片抓爛了的泥土...

只好到河邊拍些日落照....

停車場內有間破舊了的屋子

很想入內走一趟,但又有點害怕...

還是下回早點到場視察一番吧!

期待已久的終於來臨....

期待了很久的假期終於來臨!
因為三月沒有假期的緣故,這個月都過得很漫長!
終於來到四月的長假期 - 復活節了!
這幾個星期以來的工作都太沉重,太多了!
我也趁這四天假期好好的休息
約了舊同事,舊同學吃晚飯,看電影
還有做了幾項第一次的事情...
就是第一次煲湯及第一次到花墟買花!
那個煲很鮮甜,媽咪亦讚味道不錯!呵呵!

明天又要回到那個地獄公司工作了.....
希望盡快完成工作回家吧!

不喜歡

不喜歡現在這種工作的環境....
全是不滿,憎恨,煩厭
沒有享受,開心,成功感!
希望經濟快點轉好!
早點轉工吧!

週日

過了一個愉快的週日
雖然不是去了什麼特別的地方
但很充實

一昔間...

過去了的情景還是可以保存下來
相機真的很神奇

隨影

兩星期沒有拿起相機了!
感覺還未有生疏吧!

陰天與黑白是天生一對,同意嗎?

很喜歡這張,樓梯下奇怪的椅子...

樹於水中的倒影

繁忙的兩星期!

前星期因公司培訓關係上了位於樟木頭的廠房
每天都是一早起床,吃過飯堂的早餐後便開始了解每部門的日常工作流程
中間有些時候也是回到坐位後做回日常於香港的工作
晚上也是晚飯後回到坐位不停的回覆電郵,報價等....
差不多每天都是九點,十點多才可回宿舍....
累死人了!!
星期五晚從大陸回到香港後,第一時間不是回家!
是到西田買壽司吃!作為一份對自己的鼓勵!
雖然於廠中工作都很繁忙,但我卻享受在廠中工作多於香港的辦公室裡!
或許因為辦公室那個人事部女人對我處處的留難,連其他同事也感覺到那份苛刻
所以公司若再要我到廠中工作,我也樂意之極!

而過去這一星期.....
雖然不是太多新的development,但突然有很多舊款的大貨有問題...
唉!這裡要查看原因...那裡又要想辦法去解決,令將來的生產避免再發生這些問題
真的很頭痛!
這星期是我於公司中最倒楣的一星期了!
每晚也拖著小羊及倦倦的身軀回家....
幸好!終於來到週末了!yeah!

奇怪公司

今天又發生了不愉快的事情了!
與我最要好的同事給公司解僱了
原因是傾計太多....遲到太多....
這間公司真的很奇怪
在工作方面沒有表現,反之更帶來其他同事增加了無謂的工作量
那些同事可以在公司安然度過...
但在工作裡每每都深思探究,盡忠職守
這些同事得到的結果是什麼??
每每都是延長試用期,就算過了試用期,亦沒有薪金的調整
更不幸的會是因為那些老屎忽不喜歡,而得到解僱的結果....
我要趕快離開這家怪怪公司!
不要再於地獄裡工作!
對員工的付出一點也不珍惜的公司
實太沒人情味了!
連小小的空間,包容也沒有,都太令人透不過氣來!
工作中得不到樂趣,隊員間沒有默契,沒有那份一起拚博的投入感
薪金再多也不感到快樂,滿足!



下星期便要到廠培訓了
天天也要留於廠中,就算下班了也不能出外走走...
這種生活...想起也覺得痛苦!
希望能快d捱過!盡快回港!!!

磨合...

兩個人相處
就如兩塊石頭不斷磨擦
如果其中一方放棄,
這段感情就沒了 !

但如大家抱著不放棄,
堅持下去的態度 ...
石頭就可以磨合成圓型
這是每對戀人必須經歷的

以上都是於fb裡看到別人的note,
很有意思吧



可否不要放棄我?

霧

這幾天的天氣都十分潮濕!

今天的霧也特別大,連大廈的頂樓都被大霧鎖著了

就算不是十分高的,全部也變成了摩天大廈

雖然大霧令相片的顏色都變得灰灰沉沉,不再鮮艷

但就是這種顏色,又形成了沉沉重重的感覺

相片影出來又有不同的效果

這個天氣,相片也代表了這幾天的心情....

周六

今天又是上班的周六...
真討厭!
雖說長短週已比起每星期六也要上班的人幸福
但每次短週的日子,好像很快過去...長週的星期...特別漫長!
不知是否太討厭這工作....
今天鬧鐘竟沒響起來!是否它也替我可憐,想我多睡一會呢?


今天下班後,到了沈老師家上書法班,終於完了箓書!到隸書了!!
隸書的特別之處就是其中一個筆畫較誇張,會有雁尾的出現!
所以老師就專注介紹這個特性而我們今堂亦只學了橫畫,
我們寫了"一"字,"百"字就下堂了,時間過得很快!
回家後要好好練習!


之後到了大眾書局閒逛,看到一本"老少女基地",書名十分吸引,便拿上手番來看看
哈,書中所列的,與我也有幾分相似,看了會心微笑,很有同感!現在真後悔為何不買回家
慢慢細看.....也許明天再到大眾走一轉吧!(其實是怕自己買回來,一坐著看書便會想睡覺....)
老少女,書中所說,過了廿五便是老少女.....那不就是我嗎?
自問真的不再少女....以前喜歡傻笑,現在呢?好像笑得肚子酸痛的時刻...一個月也沒有一次了...
是我變了?還是身邊所發生的事不值得笑?
真的不知道!

攝影

真的慶幸接觸到攝影,能以攝影為興趣!
今日相約了朋友到荃灣三棟屋博物館及汀九攝影
其實我只認識黃先生,他帶了兩位朋友同行
看到他們的談話,體會到大家都很喜歡攝影
而不是那種裝出喜歡,但其實旨在隨波逐流,三分鐘熱度那款!
對上一次帶400d出外已是上年聖誕的時候了!
現在相隔一個多月,真叫人心急,期待!
三棟屋對我來說不太是拍照的好地方,因內裡都被翻新了,沒有那種陳舊的感覺
最不喜歡就是那些用金屬所製造的指示牌!
博物館不是想現代人體會以前古時舊有環境的地方嗎?
為何要放一個現代感這樣重的指示牌??
完全破壞了那種氣氛!
吃過下午茶後,我們又坐小巴往汀九進發
其實大家都沒有指定落腳地方
小巴沿著青山公路行,我們遇到認為合適的地方,就叫司機停車了!
我最喜歡就是這樣的拍照模式!這樣不會因只往目的地進發,而沒殺了靚景的機會!
到了汀九,有很多房子也很美!也有很多樓梯一落便是海那種地方!
我最喜歡就是這樣的景觀了!
拍照直到天黑,雖然再一次是沒有腳架,要找周圍的東西支撐及防震的情況下影日落
但我仍對這批照片很滿意!

朋友偷影我....為何笑得這樣天真?哈!

十分專注的拍照.....很吸引吧!哈哈!

這樣的倒影很修長!身形影得像模特兒!hehe

我把他拍成了型男!

原來這些叫海棠花!這是我一直也喜歡的花之一!顏色很美,有一種特別的感覺!

我的影友-兩個5D,一個450D!大家都是CANON人!

就是這些一落樓梯便是海的景觀!!好像渡假一樣!感覺很舒服!

這裡可觀看汀九橋及青馬大橋!

今次的網誌用了書面語,我希望把平時寫口語化的網誌逐一養成書面語的習慣!

為何?算是嘗試培養一下吧,好像較感性一點!呵呵!

初四山頂遊

本身諗住坐山頂纜車上去,點知去到纜車站超多人!
後尾又唔識搭車wo...
我印象中係舊天星馬頭有巴士搭上去
於是就搭左一個站0既地鐵去舊天星到搭上去lu!

冇帶400d出去,不過今晚好大霧!好多霞氣!好懞,又冇腳架,就算帶左都冇咩作為!

雖然係大霧,不過d夜景都仲好靚,但左邊果幾幢樓好礙眼.....
點解要起咁高wo!

自拍night mode...勁手震...

烜幫我影的,好黑下...

今晚發生左d事...

希望真係玩,唔係真....

新年

新年又係大家聚首一堂0既節日了!
除左阿婆生日,咁齊人之外,就係新年先會咁齊人
初一一如以往,一早起身,收左阿爸,阿媽封利是就去飲茶,跟住入青松觀喇
每年去到都好熱鬧!
阿姨,表姐,個個都係坐定定,我地就一個一個咁排隊拎利是!
場面非常之咁攪笑!
跟住食完齋就成三十幾人一齊去太和,迫入阿婆間屋到玩呀,打牌呀
真係好熱鬧!
阿婆精神好好!不過唔知佢仲認唔認得我呢?!
個個孫仔孫女都祝佢身體健康
唔知我老左0既時候,又有冇咁多人會黎睇我呢?!

新年真係好多戲睇!
赤壁就麻麻啦!
今日睇左奇幻逆緣,真係好好睇!
好感人!睇完個心好那住那住!
我都係鍾意睇呢d戲多!
男主角同女主角真係好有緣
佢地雖然離開左佢地認識0既地方咁耐
但係都仲咁掛住對方
令我諗起我同德國仔之間......
雖然佢上年黎過搵我...但係...我覺得自己好衰...
點解會對佢咁冷淡?!
我都唔知....好難得先見到面...
但係我同佢食左個早餐就走左喇.....
攤凍左0既感情好似好難再番熱....
呢次見面之後,我諗我呢世都唔會再有機會見到佢lu....
始終大家都生活係唔同0既地方....算係一個浪漫0既經歷囉....
講番套戲...男主角同女主角都好靚!!佢地好襯!
套戲真係好浪漫!!渣船出海,0係沙灘到玩,仲有係個碼頭到睇日落,
呢幾個鏡頭真係拍得好靚!哈哈,我係個女主角都冧死!(當然要同自己鍾意0既人一齊先係啦,同個冇feel0既話...去邊到都悶...hehe)
套戲都有少少titanic feel!又係個女主角老左,講番自己後生時0既愛情故事!


新年假仲有4日就放完,好唔捨得呀!!!
人就係咁貪心架喇!!假都未放完就唔捨得!
或者因為呢間公司太地獄啦!

手痕痕,技癢癢

好耐冇拎過部機喇!!
dslr帶出街,真係唔太方便!
casio dc仔又係踩單車時跌爛左wo!
咁點算好呢??
係屋企見到家姐男友部dc仔...嘿嘿!
家姐又出左trip...部機都冇人用架啦!呵呵
等我帶佢出去散下步啦!!
開機同熄機都好快!
其實我之前去布吉時都問佢借過,因為係防水架!可以落水影相!
唔錯唔錯!
就快新年了!唔知到時盤水仙多唔多花呢?!

等lift時影的!hehe有人曬咸魚!

點解老窩成日都係咁塞架?!

永遠都好鍾意搭巴士睇風景!!!周圍望!

呢棵野真係好攪鬼!生到咁高!!

呢個教堂好外國feel!

咩話?!塞到天黑??nonono!呢張係我回程時影0既!

又番到沙田了!

第一次..碰碰車

琴日係渣車0既三年黎...第一次撞車
過左差唔多兩日,件事都仲不停係個腦到浮現出黎!
事緣琴日朝如常渣車番工...
去到火炭大排檔對出個燈位,見黃轉紅,咪收慢停車,
我次次燈位停時都有望後面睇下有冇車架,望倒後鏡,
見到有架小巴係遠處埋緊黎,心諗佢仲有一段距離,
都停得切啦我咪望番前面囉,
果頭未完...3,4秒之後望到塊鏡已經見到架小巴係正後面...
砰一聲撞埋黎.....>__<
成架車俾佢推前....我對腳飛起左....
果個情景到而家都仲好深刻!!!!
落地時...架車訓左係到...但我個人都仲係垂直坐左係架車上面....仲要坐得好正.....
成個人呆左幾秒...坐左係到唔知點算...
個小巴司機完全冇意落車...我企左係到...陣係feel到個pat有少少痛...
其他地方都冇事,成個過程係好慢,
佢架車冇凹,我架車花左少少跟住我咪自己搬番起架車...
不過唔夠力....個小巴司機先落車幫我托番起佢...
跟住佢問我"冇咩事丫ma?冇事就得喇,咁快d開車走喇,唔好塞住人"
頂佢!!佢想當冇件事發生!!!跟住我話"下?你撞到我wo"
之後佢又問咁你有冇事丫?要唔要報警?我冇咩所謂架!你話報警咪報警囉"
但我最衰就係...架車個行車証過左期...
其實續左架喇..不過一路都唔記得貼番上架車到...
陣係帶住左係身...所以咪一心唔想報警囉....
我諗住打俾我個fd問應該點處理...
畢竟我都未試過...點知佢電話冇人聽...
小巴司機又話"你打電話即係報警啦?"
佢仲要笑笑口咁講....
跟住我話"唔係呀,我打俾我朋友睇下應該點先呀"
之後佢話"咁唔報警既話一係賠錢囉,你想賠幾多丫??你話事啦,我冇所謂"
跟住佢話賠一千...其實我個人仲係好呆...
又諗唔到點...咁見架車又唔係好花...個人又冇咩事,咁咪一千蚊囉...
收左錢之後就開車走喇...

諗諗下...又冇抄低佢車牌...又冇留電話...乜都冇好似好奇怪咁...不過果時又趕住番工....怕遲到...是但啦....唉!!真係超黑....
到放工時...見到架車冇啦啦訓左係到...個車尾燈爆左!!!
頂...應該係d貨車整跌左....唉!撞車都冇事...竟然好地地..泊車就整爛...

到而家個pat pat仲好痛...原來瘀左一撻...
唉!

內疚感....

事隔左3年幾喇...

因為我個email已經累積左成二千幾封unread...
今日的起心肝...清晒佢!
每次清email,我都會將d藉得留起0既,keep住係inbox到...
而每次清完...我都會番睇呢d email....
其實點解仲會番睇呢??
我都唔明...
每次睇到某一個email...我都會忍唔住喊....
今次冇喊到出黎...只係個心好酸..."那"住"那"住...呢種感覺一d都唔好受...
我覺得自己當時好衰...
點解會咁...點解會做d咁0既野...
好後悔....點解唔好好地咁一直落去....
每次睇親都覺得好內疚...
其實keep住都仲有同佢聯絡,不過好少出黎
係前果排話出黎食飯...都冇左件事了!

希望快d搵到佢0既幸福

08年貓事回顧

08年,係一個多事之年!
係我身上面亦發生左好多野!

-搵到個興趣,性格都好夾0既人,可惜亦因了解而閃電分開
-屋企0既第六者介入....頭家差d散咁滯!至今好似都未解決!!
-第二次辭職!亦搵到份比之前更地獄0既工!簡直係同番小學一樣!d訓導主任好嚴!
-開始收第三,第四張紅色炸彈!何小姐同陳小姐都升做太太級!
-身邊好友陸續分手...單身人士聚會極其頻密!
-學習方面呢.....都係經常半途而廢...學唱歌...學學下冇學lu,家下學書法...唔知又可以學幾耐呢?!
-爆瘡!呢個煩惱希望今年可以解決!!塊面唔知攪咩不停咁爆!
-家姐傳出婚訊!將會係09年尾註冊擺酒結婚!!好野!!佢終於都嫁得出喇!
-爸爸發現有初期0既心臟病,佢越黎越多病痛了!
-墾丁之旅,不停食食食!去旅行真係好開心!

希望好開心0既事可以係呢年發生得更加多!
唔開心0既事就唔好拖落呢年到!
呵呵呵,希望可以同我0既機會發展!!hehee,不過依然係好被動,唔敢行第一步......
希望身邊既好友快d得到幸福!!!