食晚飯

上星期五同左我個好朋友kylie小姐去左試妝同埋食飯
因為armani打左電話黎話可以去試佢個新粉底.....所以就去玩下喇
點知果條友好唔掂呀!趕住收工咁樣樣!
根本就冇心機幫人化!
求求其3分鐘就化完喇!激死!
後尾我地去左食晚飯...
又傾下計!
哈,兩個人叫左3碟野!食唔晒,太大碟喇!
飽到屎!
傾左好多野!哈,大家都對而家份工好多不滿咁!
希望我既朋友仔開開心心啦!!

自信心...

自信心又唔知去晒邊喇...

跌到落谷底...

身形暴漲...

琴晚行街買左幾件衫,一條短褲

唉!條褲唔0岩著呀!我好鍾意架,但係著左落去會爆-_-

夏天黎喇,又要開始減磅!

星期一剪左個死人頭,次次剪親頭髮都覺得好核突

點解我d頭髮咁架?!又硬又乾又厚!唉!

真係唔想出街見人!

今日上唱遊堂,阿sir話要揀歌for5月25日既金曲夜,咁就試唱左抱抱同埋少女的祈禱

我真係唔知揀咩歌好呀

唱完之後俾阿sir話左幾句...自從上左唱遊堂之後,我覺得我唱歌好難聽

把死人聲好尖,好嘈!好吵耳!!!好憎呀!!!

塊面d粒粒又開始多番喇!唉!

轉天氣塊面又開始出油!!!!好討厭!!!

我覺得我越黎越唔鍾意自己喇!

好似乜都係最差,最唔好咁!

性格又怪!又唔識同人溝通咁!

塔羅牌哥哥講得我好0岩呀!

我最0岩就係自己"柄"埋一二面自己做野,完全唔使同人接觸果d工就最0岩我!

我都覺得係呀!好怕同人講野!

唔知我d自信心幾時先回升番....

面貼面

面貼面個感覺好舒服!!

十指緊扣個感覺好幸福!

hehehe

澳門相...

上年年尾去既澳門相...

執到第一日尾...

仲未執完....

幾時先整好..-_-

花展08

第一次真真正正咁入場去影花展

以前都有去過,不過都係去睇下,同埋求求其咁影幾張相!

今次逗留左個幾鐘,其實都冇咩野好影

黎黎去去都係果d花

d福娃又唔靚wo!

有d又擺得好老土!

其實佢個門口真係整得好leung,好土呀!

點解唔整靚d呀?!?!

流感

以前既流感,頂多都係一大批人集體咁病架0者!

而家既流感攪到會死人!

真係好恐怖呀!

連學校都要提早放復活節!

有病真係要及早睇醫生!

賴床懶訓人

點解!!點解!!點解我會越黎越懶訓架!!

以前番新工,日日都好準時!甚至乎會早半個鐘頭番到公司!

但係而家....

越黎越唔想起身喇!

起身番工對我黎講真係一件好難既事!!

好痛苦!!!

十萬個唔願意!

但係如果約左人一早起身去街既話,又唔同wo!!

鬧鐘一響,頂多都只係hea多一,兩個字...

唔會好似番工咁!又番訓....次次都訓多4,5個字!

究竟懶訓既林貓幾時先可以改到e個習慣呀!!??

你地要支持我呀!!!!

影人像

影人像真係好難影呀!!

因為要互相配合...

大家都唔識大家

佢又未試過俾人影,我又冇咩影人既經驗!

影完出黎冇咩感覺...

唔係話個model唔靚,之不過真係唔知點咁!

影唔出味道出黎!

可能對影人像冇咩興趣啦!

我都係鍾意影死物,影風景多d!!!

鳴謝 - model - 我同事ocean的朋友仔..(我唔記得叫咩名了)

仲有阿基借部30d!仲有何先生借鏡頭!

哈哈哈,全部都唔係我既工具....好唔慣呀!

貓點解要怕狗...

唔知點解..由細到大都係咁驚狗...

細個去九龍城寨阿婆屋企時...行到二樓樓梯會有隻看門狗..

真係好驚架,好記得係黑狗!

樓梯已經黑架啦!仲要有隻黑狗晌到

每次有人經過既時候都會吠!

好彩有籠困住左咋!

唔知係咪e個陰影!所以自此之後就好驚狗...

由其係流浪狗呀!佢地對眼真係好兇!

因為冇剪腳甲既關係!佢地d腳步聲嗒嗒...嗒嗒,好大聲架!

聽到都驚呀!

不過而家大個左!已經冇咁驚喇!

起碼踏出第一步!可以去摸下d狗仔!

有次仲同隻金毛尋回犬去遊船河tim呀!果次真係好大既挑戰!

哈哈哈哈!勁呀!!

雖然係驚狗,不過有時d狗仔睇落真係好得意!

我都想試下抱呀!

但係抱上手果種感覺好怪!

唔知我幾時先可以克服到e個狗狗恐懼症呢...

近排....

好似好忙咁呀!

每一日都好充實!!!

每個星期連平日都好似好多街去咁....

好耐冇番過屋企食飯喇....

真係對唔住媽咪!!

自從新年之後,好多時都出街食飯...

又食好鬼多野wo!!

好似食極都唔飽咁!!

肥左好多呀!!!!係時候收口喇!!