林貓屋企: 2008

2008年12月28日星期日

聖誕節party

25號晚去左k小姐朋友攪既聖誕派對
佢話連衫都會提供埋俾我地...
我地係到諗...究竟係咩衫...會唔會好暴露!哈哈哈哈哈!
原來就係呢d聖誕女郎同聖誕老人衫!
果晚食完野,我地就要抽大啤牌,分左梅花,階磚,紅心同埋葵扇!
我就屬於紅心隊!
呢d就係我d隊員喇!
個個都好齊心!
呢張相係其中一個環節...就係收買佬!
張list入面...有好多野!又要搵毫子...
又要黑,白色襪,三包唔同牌子既紙巾,一支麥精,一個魚柳包...
仲要一張全team人係街到影既自拍照....
我地分好晒工....之後係旺角果間海景粥店門口影...
超攪笑!

贏左好多round....又有禮物收喇!

最後仲羸埋倨總冠軍!有現金獎tim呀!

d禮物多到張台都放唔晒!

全場既大合照!搵唔搵到我呀?!
d氣氛好好,個個著晒d衫,好攪笑,d男仔好多都好肥!

真係好似聖誕老人!

2008年12月25日星期四

書法班

不經不覺上左五堂,
老師教緊我地寫新年既揮春喇!
不過都仲係學緊篆書!
都好丫!冇咁覺眼肉唔肉酸丫ma!hehe
估唔估到呢d係咩字呢?!

2008年12月14日星期日

好似好忙

呢排好似好忙咁...
晚晚番到屋企,上網既時間都冇乜
好似好耐冇用過電腦咁....
但係忙d咩,又up唔出wo!

今晚去左大埔食糖水,本身想要糖不甩,但又唔見餐牌有wo!
叫左個鮮奶燕窩補補佢!
哈!不過拎左杯唔知咩芒果麵條黎影相...
因為d色靚d ma!!

推介下先!!
利川果隻糖不甩真係好好味!
煮又方便wo!煲滾d水,放左d湯丸落去
煮個零字見d湯丸浮起晒就攪掂!
最後加埋佢果包花生糖碎落去
正呀!!!

2008年11月21日星期五

星期日的日落

真係可惜,我地搭船入柏麗灣諗住影日落

點知太遲lu...

搭緊船已經落緊....

去到馬灣個邊太陽都落左lu...

唯有影magic啦!

猛車邊借左個腳架影左幾張...

hehehe

2008年11月15日星期六

片尾曲

雖然佢地唱得好難聽...
但係首歌本身都幾好聽架....

陪你哭也只得我(東山飄雨西關晴片尾曲)
作曲︰葉肇中
填詞︰陳詩慧
主唱︰馬德鐘、佘詩曼

男︰我樂意要是去苦戰　難受的同時仍可當作磨練
女︰你為我惡習也改變　明白愛原來非淺＊　
女︰能成為伴侶　　
男︰我亦算登對　　
女︰愛上你也無懼　　
男︰真心不會死去　　
女︰你為我抹眼淚　　
合︰甚至飲醉　　
男︰我也在你這裡　(女︰你也在我這裡)＃　

男︰陪你哭也只得我　　
女︰舊日難過　　
男︰無悔等愛的花火　　
女︰苦等我一個　　
男︰而我深愛得很傻　　
女︰自問有幾個　　
男︰陪你走過的不多　　
女︰就是你一個　(男︰就是我一個)
男︰要是你快樂已足夠　殘酷的世界寧願我去承受
女︰這份愛註定了深厚　危難中有你雙手

Repeat ＊＃
Ha......Ha......Repeat ＃

2008年11月9日星期日

毅行者?!

琴日一放工,就去左搵sharon,joon同kylie
我地約左一齊去城門水塘到做阿佳既毅行者打氣團
原本一收工即刻飛車上去,但收到通知,佢地未咁快到,
所以我地食埋野先上去
嘩!!一去到超勁多馬騮!!!!
d猴子猴孫有成百隻!!!!
勁驚呀!!!
有d係樹到從一棵樹跳到另一棵樹到....
好驚佢地會跌落黎..
有d就想一家大細成條龍咁係d草叢到行!
真係好恐怖!
我地去到會合左其他打氣既人,就一路玩,一路等佢地黎喇!
臨到前既幾分鐘,我地沿路行上去接佢地,
哈,阿joon見到佳即刻奔跑上去!好攪笑!場面有d感動!!哈哈哈哈哈!

打氣團佢地準備左雜菜湯通粉,出前一丁,生果
我地又唔知可以點幫手....唯有企係到...
望住佢地食....
自己其實好想食....幾鬼餓!明明食左野都咁餓...
最尾我都食左一杯雜菜湯通粉,好好味!hehehe
佢地食完野,換完衫,拉好筋,refill左d裝備之後
又繼續出發喇!
之後我地就去左小肥羊打邊爐,荃灣果間有得食任食,好正!hehehe
打邊爐時,傾傾下,見joon好似幾想去終點接阿佳
為左joon既終身幸福著想,
我地決定之後果朝晨咁早就出發載阿joon去掃管笏,即係終點,
去俾阿佳一個驚喜!
約好左6點係博康等...
5點半起身時見joon原來琴晚send左個sms黎話時間有變
因為佢地既速度慢左,預計九點幾先到,我地可以7點先出發,
我就訓多個鐘!
我地食左個m記早餐....joon收到消息...佢地會預計十點先到終點,
所以我地又hea左個零鐘先出發...
屯門公路超勁大風!!!!!
吹到我勁驚....不停諗呢程車我會唔會就咁就死左....
哈哈!好彩,最尾都平安到步,
我地等左大約半個鐘到,佢地就出現喇!!
joon呢埋左,等佳衝左線之後突然走出黎送上一個深情既擁抱!!
哈哈!好幸福!!!!
佢地行完,個樣好似冇乜事咁!!!又唔覺得支力!!!
仲好精神tim呀!!!
反而我地呢幾個去接人既....仲眼訓...仲支力.......

佢地真係好勁!!行左44個鐘!!!
點解會有咁好既體力...
叫我行山一日,我都支力死!

未收到d相tim....之後先補番up上黎啦!!

2008年11月4日星期二

歌詞好有意思

十字架

作曲/編曲/作詞: 周博賢

很久的當年媽媽天天囑告
好心交給人總可得到好報
過去按這教導埋頭做
可惜隨年長一步傷口隨年多一道

伸出手攙扶遭鬆開手警告
交出心戀愛反得傷心的控訴
嫌棄我過份熱情流露或是仁慈得恐怖
燙手愛意怕碰到

彷彿背上十字架捨我救贖未算好
越奉獻得到結局越殘酷
教我為免傷勢再會變更糟
圍牆變更高
圍住了自己的去路
防護罩終變成墳墓
將根本的我葬下去獨自老

伸出手攙扶遭鬆開手警告
交出心戀愛反得傷心的控訴
嫌棄我過份熱情流露或是仁慈得恐怖
燙手愛意怕碰到

彷彿背上十字架捨我救贖未算好
越奉獻得到結局越殘酷
教我為免傷勢再會變更糟
圍牆變更高圍住了自己的去路
防護罩終變成墳墓
將真的我埋藏下去
哀悼裡獨個漸漸老
多想光陰退後到舊時童年重渡
多斬釘截鐵共處態度
我對你好所以你會對我好
心裡沒旁騖
無奈這幸福的國度已飽經災劫無寸草
今天只得我野地裡在獨舞

要怎麼的上路期望一天我能知道

2008年10月19日星期日

第一堂的書法班

琴日上左第一堂既書法班

沈老師係我舊同事sharon kwan既舊同學emily以前既美術老師

而家已經退左休,專係教素描,水墨畫,書法.....

好利害呀!係咪個個讀art既人都係樣樣掂?!

老師一開始講左好多書法既演變,歷史

又問我地學書法有咩目標...

其實...我只係平時想搵d野學下,攝下時間

對書法又有興趣,見sharon搵緊老師學

所以我都一齊學!

老師俾左好多佢展覽過既作品我地睇

哈!睇完之後我都想有自己既作品.展覽俾人睇!

唔知呢目標可唔可以達到呢!!??

今堂只係學左寫橫同埋直!

咪睇橫同直好簡單!其實好難!!

由其係直!成日都寫到斜晒!

放學去左買齊架餐要係屋企練字!

希望今次唔會係三分鐘熱度!可以keep住練字同埋上堂啦!!!

今堂既功課係寫十古上下....

不停咁練左個幾兩個鐘....

都幾支力....

黃昏日落

喂!呢份野急架!唔該幫我攪左先!

喂!阿cat!快d追阿邊個邊個個辦有未啦!

吾,日日番工怕遲到,趕頭趕命

到番到公司又不停咁做

放左工可以抖下啦,點知睇一陣電視,上一陣網,話咁快就12點幾喇!

番工既日子真係完全冇私人時間!又冇得點抖

難得放假,星期六日出去好優閒咁周圍行,周圍影下相

真係要平均番平時咁趕既節奏!

而搭住電車睇日落呢,就係一個唔錯既行程之一!

去墾丁前,我同左francis去左陪kevin試佢新既機!

哈!佢都買左400d!

係咪受我既靚相影響呢?hehe

我地尾站坐電車出西環影日落

真係嘆!好鍾意睇住個天變色,好神奇!

個太陽落得好快!平時唔見佢行得咁快,係收工果下就跑住咁走!

哈,太陽都有偷懶既一刻咁!

好鍾意400d影日落既效果!好滿意

不過影其他野就..........

2008年10月14日星期二

希望阿婆快ｄ出院

今日快手快腳,攪掂晒d野,準時六點出發去醫院探阿婆,

本身諗住琴日去,不過收工太夜了......

一去到,阿婆訓緊覺,我輕輕力拍左佢一下...佢好似訓左

我都冇再叫佢了

只係靜靜咁係隔離望住佢....

過左一陣,又有個女人黎探阿婆...

我都唔知係咩人黎.....

佢叫醒左阿婆,傾左一陣

我話覺得好凍....跟住阿婆先話佢都好凍!

拿拿林走去問姑娘拎張被...

今次入院因為血糖低

應該冇咩大礙!

希望快d出院啦!

2008年10月11日星期六

趕走暗瘡!!!

我要多吃生果!!

我要多喝水!!

2008年10月9日星期四

吾....講得0岩!

引自陳小姐的blog.........

"有目的地對人好....不停update自己facebook, msn,
都係想引人注目...留意自己...
鐘意時當你神咁拜, 唔鐘意個時理都唔會理你...
仲當你係朋友??當你死左一樣咋..."

本人深深體會到!

2008年10月2日星期四

身體健康

身體健康真係好重要

冇左健康,乜都做唔到

頭先係msn到同左個朋友say hi

見好耐冇同佢傾計

問下佢近來點(msn既好處就係咁!可以同d好耐冇聯絡既朋友傾計...又唔會好似突然打電話俾人咁奇怪!)

傾傾下,先知道原來佢媽媽係中秋節前一日因為血癌入左醫院......

佢而家每一日都會去醫院探佢媽媽

做左兩次化療....

醫生話好番既機會係一半一半

聽到之後個心好唔舒服

亦都令我諗起係戲院睇過既一套戲...東京鐵塔....

呢套戲令我喊左大半套....

就算睇完...出左戲院仲喊緊....

戲入面既媽媽獨力湊大左個仔,供個仔去東京讀書,點知個仔唔生性...讀唔成書,仲將佢d錢拎晒去玩最後個媽媽患左癌症,個仔先識諗,生生性性咁去照顧番個媽媽...

戲入面個媽媽做化療既時候,真係好辛苦!

點解一個人,冇做過d咩壞事,個天要咁樣俾呢個果佢...

章媽媽,你要撐住!

雖然未見過你,但係我都會支持你架!

你都要撐住呀!

2008年10月1日星期三

private number

近日接到一d private number既call in....
喂左一聲就收左線...
究竟係邊個!?
呢d咁既電話...
引來好多聯想....
係我想既人....佢都想我,所以打黎?!
定係只係一d白撞既電話呢??
可能個心等緊電話...
所以對呢d咁既來電特別敏感.....

2008年9月28日星期日

好relax!!

爽呀!

2008年9月25日星期四

好感動...

好有安全感呀!!!!
就係一句....
don't worry, i'll take care about u!
突然間好溫暖!

2008年9月11日星期四

走堂的一天

今日遲左少少放工,見7點幾
今晚d同學仔又有野攪,走堂,得我一個都冇去上堂lu!
去左ntp行左陣,都唔知食乜...
最後又係去左西田既foodcourt到食!
不過今次唔係mos burger,食左個咖哩豬扒飯
太大碗,食唔晒!
跟住又去左無印買豆沙包食!
無印d豆沙包真係好好味!d紅豆一粒粒架!
行左陣,又帶埋林小羊番屋企了!
林小羊番左屋企之後,我經過樓下個公園
有人玩緊搖控車,有隻狗仔猛咁追住架車,
好攪笑!
番到屋企夠時間睇家好月圓
今晚果集....于素心同凌b既情節....
真係有d似................
下一集仲似呀!!!
希望佢可以頂住....
快d捱過啦!
加油!
我都要加油!
雖然過左4個月,但係,好似仲未平伏到
可能一切都係太突然了
來得突然
亦都完得突然
諗番起之前既事,唔開心既已經唔記得晒
而開心既,經常都仲浮現係眼前
可能我都算係一個樂觀既人
唔開心既事可以好快忘記,
不過點解...呢一件咁耐都未忘記??
真係矛盾!

個個中秋節都要玉兔...
點解呢?
我又唔覺得特別靚wo....
老土既我...都係比較鍾意圓形紙摺果種燈籠!
最細果個size點完"立"燭好靚架!

2008年9月10日星期三

人生目標

究竟生存係呢個世上...
為左d咩????
日日番工放工
都唔知為左d咩.....
做人漫無目標.......
對咩都提唔起興趣
同人講野都係一句起兩句止....
都唔知做乜....
我既人生就係咁了

2008年9月6日星期六

be delicious!

有搽香水的習慣嗎?
之前一直都冇搽香水既習慣
係尖咀番工時,每日都會經過海港城dkny個香水專櫃
每次都聞到陣陣既青蘋果味!
d味都幾醒神!
有一日放工,我記得應該係星期五黎既!
突然間心血來潮,我都想擁有一種自己既味道,
希望會有人聞起呢隻味而諗起我呢個人
所以就試下,買左一支黎搽!
每次出門前都會噴幾下,雖然噴完果幾秒係好濃,
但係一出左門口,過左一陣,d味就會散晒!
只有同人好近距離既時候,佢地先會聞到我呢陣貓蘋果味!
換黎既都係好既評語!
所以一直都用到而家
上個月剛好買左第四支了!
而家出左好多種味,
但係我最鍾意既都只係青蘋果味
聞到呢陣青蘋果,個人會精神d!
同埋開心d!
有時出街唔記得噴,硬係覺得爭咁d野咁架!
可能我對呢陣味已經上左癮喇
唔知,係街到聞到身邊既人噴青蘋果味既香水
會唔會諗起我呢??

北上尋歡

2008年9月4日星期四

煲煲豬腳薑

煲煲豬腳薑,激死朱元璋
拎住豬腳薑,撞到朱元璋
放低豬腳薑,叫聲朱元璋
叫叫吓朱元璋,唔見咗煲豬腳薑
拉住朱元璋,問佢攞番煲豬腳薑!

可惜他有女朋友

他都不算很有趣
為何我遇見別人都悶極入睡
碰見他　總是自然　談下去
讓人幻想可以後　談下去　結合成伴侶

＊可惜他有愛侶　還可怎麼爭取　
投契極　得不到世人的允許　
常常望著　別人幸福　令我更唏噓　
難道世界上美男　全部被捕　
漏網的跑到哪裡　男生稍一可取　
全已是　某君的夫婿或愛侶　
仍然像我的　未嫁的　
又愛得起誰　唯一符合理想的得七歲

＊他真的有點似我
旁人要是太悶時安靜地就坐
看見他今夜突然　圍著我話題像剪不斷地　
圍著我　我又怕什麼

REPEAT＊＊

然而像我的　未嫁的　
又會分到誰誰想凡是舞會都單身去

2008年9月1日星期一

咩話???又去沙灘??!?!

冇錯!!我又去左沙灘同陽光玩遊戲喇!!
同左一班車友去左大浪灣!向晴朗的一天出發!!!

呢到租沙灘遮同埋沙灘櫈都平過西頁同埋黃金海岸!
好抵呀!!沙灘櫈只係廿蚊就可以租一日喇!!!!

你睇下個太陽幾咁曬!!!

好寫意既沙灘櫈,爽呀!

今次識左呢位粒水新朋友!!佢真係好細膽!!!

仲細膽過我!!!成日都呢埋晌佢個狗狗袋到!哈!

好抵既沙灘櫈就係晌呢間store到租喇!

上次冇同小豬水泡影相!

今次補番影!!

當然唔少得我既蝦條相啦!!

呵呵!!個個都話我d腳趾好長...

唔知代表d咩呢?!?!

超忙的一星期

今個星期好似過得好快!
識左d新朋友仔!
個人充實左!
幾好丫!
唔知下個星期又點呢?

2008年8月24日星期日

再見不是朋友?

一段感情完左之後,你同佢仲可以做番朋友嗎?
其實我可以的
但係唔知點解,佢好似怕左我咁
每次send sms,或者打電話,都唔會覆我,唔會聽我電話
有時有d事情想分享,好想同人講,
可能我份人好直,有咩諗到就會即刻做,
但係冇人回覆,好似自問自答咁
個感覺都幾奇怪!
都過左一段時間,事情都淡左
點解仲要咁執著??嬲d咩?咩原因要做到咁?
我一d都唔明
心胸不能廣闊一點?
曾經係好親密,好關心大家,
但係一下子,好似完全唔認識對方咁
雖然唔係情侶,但係一個普通既朋友都算得上係掛?
唔需要做到咁絕丫,大家又唔係因為一d深仇大恨,做錯d咩事而分開,
只不過係性格問題而已,
有d咩好嬲?嬲我既性格?定係你自己既性格??

冇左一個好好既朋友,真係好可惜!
唔知你又覺唔覺得呢?!?

2008年8月22日星期五

鸚鵡襲港

琴日番工時，ｄ同事仲講咩貨櫃碼頭消息話今日會掛八號風球!
我仲同佢地講...網上面既消息都好信....唔好咁無知啦...
原來今朝真係掛左八號!
好悶.......
阿爸阿媽出左去唱k...
家姐去左男友到...
得番我孤令令晌屋企...
冇野做...唯有又影下想解悶啦!

窗台..

廁所.....

都係窗台....

最近可能睇得多民宿網頁,

影相都變得寧靜左...

2008年8月18日星期一

阿婆生日快樂呀!!!

今日係阿婆87歲擺大壽之日!
咁快又一年喇!
上年仲同表弟佢地影左d白痴相!
今年美心裝修,攪到我地要去稻香!
個場細到死!!!我地六圍人迫左晌個角落到!

7點幾去到,阿婆仲未落黎!
到差唔多開席先黎
阿婆冇咩點變,都係咁精神!
我同左阿婆講,我係阿cat呀!生日快樂呀阿婆!!
唔知阿婆佢認唔認得我呢???
阿婆,我祝你身體健康!!

2008年8月13日星期三

給我的周先生^__^

呢排公司多野做.....
成日都冇陪你!!
放假又掛住玩......
平時晌屋企又掛住打機...(好老土..而家先係咁玩nds太鼓之達人.....,但係真係好好玩!)
我今個星期會陪番你架喇!!!

2008年8月10日星期日

又船p

今日又去左游船河!

曬就唔算好曬!

不過又黑左囉!!!

玩左一轉wakeboard已經累死左!

真係老喇...之前玩好耐都唔支力!

今次只係玩左3野就支力喇!!出wake同入wake只係做左兩次到!

我隻左腳已經冇晒力!

之後仲玩左香蕉船!

變態架個船家,我都冇試過玩蕉玩到咁快!!

佢真係開得勁快!見我地咁耐都唔跌又快d!

狂掟彎!好變態呀!

跌蕉果下真係好痛,我真係以為我d肋骨斷左...

同死亡好接近!!!!

今次有兩個小朋友,大哥好叻,識玩wakeboard

細佬就細膽d,乖d!

之後佢地狂晌到跳水....我都跳埋一份囉...

不過人越大 ,個膽越細...以前會晌二樓跳落去...

而家...一樓都驚!哈哈哈哈

跳果下好似彊c...

我睇親段片都笑....

...

2008年8月8日星期五

又跌車....

真係估唔到...人生之中第三次跌車...會晌琴晚發生....
第一次係拎車既第二日....就晌大埔道轉彎位片左去行人路到....
第二次天雨路滑既大埔道轉落去顯徑果條超級斜路...
第三次...就係琴晚晌濕滑既土瓜灣.....
林小羊真係好重........抬又試過,拉又試過....
真係唔夠力...
第一次有阿恆幫手...
第二次有熱心既的士司機...
第三次好彩都有兩位阿叔幫手...
唉!好心痛.....