再見不是朋友?

一段感情完左之後,你同佢仲可以做番朋友嗎?
其實我可以的
但係唔知點解,佢好似怕左我咁
每次send sms,或者打電話,都唔會覆我,唔會聽我電話
有時有d事情想分享,好想同人講,
可能我份人好直,有咩諗到就會即刻做,
但係冇人回覆,好似自問自答咁
個感覺都幾奇怪!
都過左一段時間,事情都淡左
點解仲要咁執著??嬲d咩?咩原因要做到咁?
我一d都唔明
心胸不能廣闊一點?
曾經係好親密,好關心大家,
但係一下子,好似完全唔認識對方咁
雖然唔係情侶,但係一個普通既朋友都算得上係掛?
唔需要做到咁絕丫,大家又唔係因為一d深仇大恨,做錯d咩事而分開,
只不過係性格問題而已,
有d咩好嬲?嬲我既性格?定係你自己既性格??

冇左一個好好既朋友,真係好可惜!
唔知你又覺唔覺得呢?!?

鸚鵡襲港

琴日番工時，ｄ同事仲講咩貨櫃碼頭消息話今日會掛八號風球!
我仲同佢地講...網上面既消息都好信....唔好咁無知啦...
原來今朝真係掛左八號!
好悶.......
阿爸阿媽出左去唱k...
家姐去左男友到...
得番我孤令令晌屋企...
冇野做...唯有又影下想解悶啦!

窗台..
廁所.....

都係窗台....

最近可能睇得多民宿網頁,

影相都變得寧靜左...

阿婆生日快樂呀!!!

今日係阿婆87歲擺大壽之日!
咁快又一年喇!
上年仲同表弟佢地影左d白痴相!
今年美心裝修,攪到我地要去稻香!
個場細到死!!!我地六圍人迫左晌個角落到!

7點幾去到,阿婆仲未落黎!
到差唔多開席先黎
阿婆冇咩點變,都係咁精神!
我同左阿婆講,我係阿cat呀!生日快樂呀阿婆!!
唔知阿婆佢認唔認得我呢???
阿婆,我祝你身體健康!!

給我的周先生^__^

呢排公司多野做.....
成日都冇陪你!!
放假又掛住玩......
平時晌屋企又掛住打機...(好老土..而家先係咁玩nds太鼓之達人.....,但係真係好好玩!)
我今個星期會陪番你架喇!!!

又船p

今日又去左游船河!

曬就唔算好曬!

不過又黑左囉!!!

玩左一轉wakeboard已經累死左!

真係老喇...之前玩好耐都唔支力!

今次只係玩左3野就支力喇!!出wake同入wake只係做左兩次到!

我隻左腳已經冇晒力!

之後仲玩左香蕉船!

變態架個船家,我都冇試過玩蕉玩到咁快!!

佢真係開得勁快!見我地咁耐都唔跌又快d!

狂掟彎!好變態呀!

跌蕉果下真係好痛,我真係以為我d肋骨斷左...

同死亡好接近!!!!

今次有兩個小朋友,大哥好叻,識玩wakeboard

細佬就細膽d,乖d!

之後佢地狂晌到跳水....我都跳埋一份囉...

不過人越大 ,個膽越細...以前會晌二樓跳落去...

而家...一樓都驚!哈哈哈哈

跳果下好似彊c...

我睇親段片都笑....

...

又跌車....

真係估唔到...人生之中第三次跌車...會晌琴晚發生....
第一次係拎車既第二日....就晌大埔道轉彎位片左去行人路到....
第二次天雨路滑既大埔道轉落去顯徑果條超級斜路...
第三次...就係琴晚晌濕滑既土瓜灣.....
林小羊真係好重........抬又試過,拉又試過....
真係唔夠力...
第一次有阿恆幫手...
第二次有熱心既的士司機...
第三次好彩都有兩位阿叔幫手...
唉!好心痛.....

釣墨魚

上星期六晚去左釣墨魚!
係人生之中既第二次!
第一次都已經係成5,6年前喇!
同中學同學去釣...點知一隻都冇....成船人都係船得勁少...
今次...既結果............哈哈哈哈哈.....

食完海鮮餐,晌ok隔離間茶餐廳見到好大隻貴婦狗!!!

同kristy果隻真係爭好遠!!呢隻超巨型!!!都唔知食咩大架!!!!!!

好鮮艷既魚排!

阿ling...好慘.......

結果...全隻船釣得4隻墨魚!!!

船長仲要同我講....4隻唔開爐wo!!!

咁我問...幾多隻先開爐呀?佢話十隻....

-_-到最後都係冇墨魚食.....

蝙蝠俠

本身一直都想去imax睇蝙蝠俠,

好可惜d時間好難夾,又難買飛,

最終我地去左旺角gh睇算數!

套戲好長!

初初都唔知講咩,可能我有d眼訓,d對白又快,聽唔切,又追唔切字幕啦!

唔知點解,我覺得蝙蝠俠一d都唔討好!

反而好鍾意小丑!

睇到佢話俾佢老豆割開個嘴,要佢以後都笑時...

好似好可憐,好同情佢!

究竟佢細個既時候有d咩經歷,令到佢變成一個破壞王呢??

如果有小丑前傳就正喇!

其實小丑既對人既唔信任,真係可以反映到架!

平時d人幾自私!到有事既時候只係顧自己,ed晌日常生活...工作都睇到啦!

晌郵輪果一幕,如果係現實生活之中,究竟個結果會係點呢??

我覺得真係會有個好自私既人搶左個制黎噤囉!

小丑真係做得好好!!佢d動靜好似!好可惜太投入自殺死左!

唉!真係慘!