林貓教你煮餐飯!

今日既材料有....
雞翼8隻
梅菜1棵
小白菜1斤
叉燒醬1樽
半肥瘦梅腩豬肉18蚊

首先...啄碎d豬肉....啄啄啄啄啄....

跟住...d雞翼解左凍之後加d叉燒醬"葉"下佢!

梅菜洗好之後用水浸下...(唔浸既話咸死你!)

啄完豬肉加d豉油豆粉糖同埋少少油撈下佢,之後落埋梅菜,飯滾時放落去蒸!

雞翼排好放入焗爐焗

燒紅隻鑊爆d蒜蓉落埋d小白菜炒炒炒!加水com蓋放少少鹽!炒多陣攪掂!

全部攪掂晒!

35度高溫曬太陽...

35度......

好熱呀!!
e幾日真係超熱!!
今日又去左游水喇!!
不過今次遠d,去左淺水灣!!
好彩有佐治帶路!!如果唔係林小羊同藍小豬真係唔知會去左邊!...哈哈
不過d沙好粗!!好吉腳!仲好辣tim呀!!
赤腳慢慢行既話,對腳板真係會熟都似!!!
我對拖鞋反轉左擺,都熱到溶左呀!d色溶左出黎,甩左落去個人字位到!
我都係跑落去游....同埋跑番上去,好傻!哈哈!

(肥大肉厚既背脊!!!點解訓到好似晌到爬行咁...?想點呀??)

琴晚提左佐治帶喇叭!今次有歌聽,好嘆!!!
d聲仲幾好tim!我都想買番對!

曬到兩點半就執野走人!!

今次骨位full晒!我地泊左入停車場,只係1蚊半個鐘咋!!!

抵到爛!!!渣兩個碌真係好方便!!又平!!!

之後我地去左筲簊灣食tea!佢地兩個都食炸脾....

怕熱氣既我緊係忍口唔食啦......!

唉!!最衰落雨....如果唔係我地上山頂影相..

WALL E

星期六好update咁睇左太空奇兵威e喇!

e套戲既對白,大部份只係"wall e..."同埋"e.....va"....

雖然好簡單,但係都幾好睇!!!

仲以為會好好笑tim!!

真係好怕地球會有e一日....

成個城市都係垃圾!!係都唔出奇!

不停咁製造!由其係d膠袋!!!我最憎買野有膠袋!

除非真係多到拎唔到啦,如果唔係真係千祈唔好用咁多!!

wall e好慘,執垃圾執左700年!!

好彩有隻甲由陪佢!

不過機械人都會有感情??

真係好人性化呀!!

wall e識睇戲,果套好似係時光倒流七十年??

好笨爸爸

我既偶像好笨爸爸出書呀!!!!!!
不過我唔想去書展到買呀!!!!
唔知大眾果d有冇得賣呢....?!?!?


"如何把寶寶拍美"/ DIY children photography for parents"
攤位名稱：新文化圖書有限公司
Name: New Culture Book Limited
攤位 Booth: Hall 2, 2H39

病情惡化

我d失憶症越黎越惡化喇....
果頭做完既野....呢頭已經唔記得左...
究竟我出左果個email未呢?!!
以為自己未出...但係原來出左...
有好多時都係...以為自己未做...但係做左...
究竟係咪真係做左呢?!?!?!?
以前記性好好架明明!!
點解而家會變到咁懞架?!?!?!
第一份工果時d九個字既no.都記得好清楚!!仲要記埋係咩色!!
而家連自己做左未既野都唔記得...
慘喇慘喇......
唔係樣樣野都要寫低掛...??!?!?!?!?

身體健康

前日番番下工...

個頭痛到死!

條頸d肉又好似扯住扯住...

好辛苦!

好似額頭慶慶地...

不過我唔識睇自己係咪發緊燒...

上年燒到104度都唔知!陣係覺得好唔舒服...

仲淋住雨渣車番屋企.....到阿媽係咁叫我...

又拉我落去睇醫生先知原來發緊燒.....

果日仲同豬皇去左食野,食完野好想番屋企訓!

一番到去就攤左晌梳化到...

同阿媽講好唔舒服....

跟住佢就摸我個頭....又話我發燒喇....

一向最憎食藥!沖左個涼,貼左個退熱貼,十點鐘就訓左喇...

真係好支力!

可能係公司凍親!

不過第二朝訓醒左就好精神喇!乜事都冇!

Forever Love......

樓梯

究竟,條樓梯有幾長...

可以去邊?

去到有d咩人?

要行幾耐?

係又長...又大級既樓梯...

定係又窄...又短既樓梯?!

會有d咩人同我一齊行e條樓梯?!

定係全程都係我一個人行?

行得累時可唔可以抖下....?

條樓梯係笑左咁行...

定係愁眉苦臉咁行?

行完又會唔會再又另一條?!

咁多顧慮..

不如唔好行啦!?

未落水,先濕身

今朝陽光普照,我地去左花園城食左個早餐就出發去黃金海岸喇!
一身沙灘裝既我,一上車就落雨!
諗住係過雲雨,咪照渣囉!
點知一路入到屯門都仲落到勁大雨!!
今次真係同林小羊一齊同黑雲玩遊戲囉....-_-
去到沙灘仲未停!!!!!!
成身已經濕晒..又凍...激死!
好彩最後都停左!咪去租沙灘遮呀,set好d位又出去游啦...

我地發現左沙灘遮其實係好多功能架!哈哈!!
可以浪衫!好掂囉!!!我地將渣車著果d濕衫浪晒晌上面!


游左陣好大舊黑雲飄緊過黎!!真係由四方八面咁走過黎架!!!!唉!連救生員哥哥(都幾靚仔的)都叫我地快d執野走!果時只係1點幾咋!!!!!最後沖一沖身...照著番件泳衣入番沙田....-_-因為冇帶雨褸...全程又係濕身......仲好凍tim呀!!!希望唔好病啦!!唉!!

0岩0岩黎到...仲諗住有排hea.....你睇笑得幾開心....諗住有得同陽光玩遊戲架ma!!點知...唉...

我地買左d小食....其中一包就係旺旺....細個好鍾意"乃"旺旺上面d粉.....

點知俾人話我核突...."乃"旺旺.....

咩wo!!好味丫ma!!

乜都影一餐

影街....影屋企....乜都影一餐!!

咩話...風扇都影?!?!

有時晌屋企坐坐下,睇電視睇到悶...
又拎起部機周圍亂影.....

其實都幾充實....

順便訓練下成日手震既我....

等一等...我繽紛樂緊......e句野...我成日都會講...哈哈哈哈哈..!!

一向我都唔帶錶既...一睇就知唔係我架啦!哈哈哈哈哈!!