唔通要去轉風車?!?!天呀~~~~你唔好咁對我啦!!!!

真係黑處未算黑!!!!
今朝搭lift竟然困lift囉!!!!
頂!!!
同事打九九九,好似等左好耐都未有人黎咁!!
再打俾公司叫管理處d人整!
到消防同整lift d人到左...點知..佢地要熄左部lift..
d抽氣扇同燈全部停晒!好焗呀!!仲困左成十幾分鐘!!!!
九個人困左晌部勁細既lift!!好辛苦!!
跟住出番黎,番到公司...點知發現...
琴晚ot做既野全部整到錯晒!!有大部份係唔關我事...
因為係同事俾錯資料...攪到要由頭再做過!!果一刻真係覺得好無辜..
好!!都算!!再忍!!
夜晚約左豬皇去東大門食韓燒...
點知一出公司即刻落大雨...
我跑到林小羊隔離避左一陣..見冇雨就照開車出旺角....
泊好架車,去會合豬皇...點知又冇蚊車匙...
走番轉頭又拎番車匙啦...
到食完飯..又落大雨!!頂~
冇得渣林小羊番去..因為冇帶雨褸...
ok~買遮行去搭火車啦!經過骨位時...竟然見到..
e..點解咁熟口面既架車...原來係林小羊黎架!!!
頂!!!點解冇左個車com架!!!以為吹走左.
但係林小羊周圍都冇wo!!!!唉!!!俾人偷左啦九成九!!!!
見到林小羊一路俾雨淋....又冇野可以幫到佢既呢一刻...
個感覺好難受.....咁夜..d鋪頭又收晒..冇地方買com...
又諗唔到可以泊去邊!!!
唉....唯有留林小羊晌到過一晚啦!!!聽晚阿媽會接番走你架喇!
小羊,你忍耐一下啦!!!!對唔住呀!!!嗚嗚~~~~