唔發火當我病貓!

經過琴晚殺龍巴斯之後....

真係好辛苦...好似冇乜作用!!

仲訓唔著tim呀..時冷時熱..

我以為係d肌肉唔舒服0者....

諗住訓醒覺,起身冇野~照繼續番工啦~

點知番左成個上晝...又係忽冷忽熱....

頂唔順喇~~lunch time就番左屋企

唉~半路中途竟然落大雨!!!已經覺得好凍架啦~仲要淋雨!!

番到屋企沖好晒涼....訓下覺..點知真係覺得好辛苦...好凍呀...有時又好熱..

媽咪番到黎...摸我個額頭...佢話好熱....叫我快d拿拿林去睇醫生...

落到街...媽咪行得好快...竟然快過我!!!!haha我真係太支力喇!!成身都冇力,.,..

仲覺得有d頭暈既感覺....行行下媽咪竟然慢左腳步等埋我...

去到睇醫生...等左勁耐....用傳統既探熱針探熱...個姑娘呆左晌到...

一路望住支針又唔出聲....之後又好意外咁話"嘩..你發好高燒wo!!成40度!!你應該好辛苦架!!!"

原來40度即係104度.....好耐之前都試過e個度數!

睇完醫生之後....開左勁大粒藥...最怕食藥既我一路食...一路想喊~hahaa

竟然要食胃藥呀!!要咬碎粒藥黎吞...我真係好想喊呀!!!

嗚嗚..我唔想食藥呀!!!!!

醫生開左兩日病假俾我...聽日要抖下喇..死啦~又打唔到泰拳了!!!

仲有好多堂剩左晌到!!!!!唉!!

今晚要訓家姐張床喇～因為ｄ肌肉痛到爬唔到上上格床．．．好慘＞＜！