回復心情

近日大家都回復平靜既心
唔再哭哭啼啼喇
雖然事情仲未解決到
但係,我相信時間可以令人清醒
做出一個對0既決定!

我亦都日日咁上去搵工網,睇下有咩update!
想轉行之餘,亦都搵番老本行,雙管齊下!
不過個市都幾靜呀
可能因為係年中啦
冇咩人走!個個都等埋年尾先?

最近除左有唔開心既事發生左晌我身上之外
我身邊有幾個朋友仔都出現左感情問題呀!
點解會咁架?!唔通俾我d衰氣傳染?!
連同朋友去飲野...一個擁有幸福家庭0既人,同我傾計...
傾完都呻佢d唔開心既野!!仲要喊tim!
好似我身邊一d開心既氣氛都冇!點解會咁架?!點頂呀!?
唔通我之前用晒d開心既quota?而家輪到唔開心既事降臨到我身上?!
我唔要呀!衰氣快d走!快d遠離我呀!
我要有新既開始!
希望快d有d開心事發生,沖喜一下啦!
再係咁,我就快癲架喇!!


p.s.法証先鋒好似幾好睇!
汀汀死得好慘呀!!!!